नईखे होला
खाली एक गो कलेंडर
तारीख देखले के अलावा
पिताजी के खातिन
ई कलेंडर होला
राशि मुहूरत
अउर मूल-विचार
जनले कै साधन
सबके शादी-बियाहे कै लेखा जोखा
मेहरारू खातिन
ई कलेंडर होला
बरत तालिका
दुधे कै हिसाब
गैस बदलले कै दिन
लईकन खातिन
ई कलेंडर होला
स्कूले कै किरिया- कलाप
अउर दोस्तन कै जन्मदिन
याद रखले कै साधन
हमरे खातिन होला
ई कलेंडर
मोबाइल नम्बरन कै जखीरा
नेट पैक अउर मोबाइल
रिचारज कईले कै दिन
अउर ढेर गो जरुरी बातन खातिन
मुफत में एक गो रफ कापी
ई तरीका से साल के आखिर में
आवत- आवत ई कलेंडर
बन जाला एक गो जरुरी दस्तावेज.